Գեներալ Ռուստամ Մուրադովը Բաքվից թռչում է Երևան․ ինքնաթիռում հայ զինվորների մարմիններն են
Հարավային ռազմական օկրուգի զորքերի հրամանատարի տեղակալ, գեներալ-լեյտենանտ Ռուստամ Մուրադովը այսօր երեկոյան Բաքվից կժամանի Երևան: Ադրբեջանական իշխանամետ Caliber պարբերականի տվյալներով՝ նա իր հետ բերում է սահմանին տեղի ունեցած բախումների հետևանքով զոհված հայ զինվորականների դիերը, տեղեկացնում է «Sputnik Արմենիա»–ն։
«Sputnik Արմենիա»–ի տվյալներով` ինքնաթիռում գերիներ չկան։
Գնդապետ Բորիս ավագյանը «Փաստինֆո»-ի հետ զրույցում հաստատեց տեղեկությունը, որ Գեներալ Ռուստամ Մուրադովը Բաքվից վերադառնում է Երեւան, քիչ անց ինքնաթիռը վայրէջք կկատարի։ Մուրադովը նախ ժամանել էր Երեւան՝ ՌԴ ՊՆ-ի հրամանով, այստեղ անցկացրել է բանակցություններ, ապա մեկնել Բաքու` ադրբեջանական կողմի հետ բանակցելու։ Ավագյանը հավելեց, որ Մուրադովն իր հետ գերիներ հայրենիք չի վերադարձնում։
Նա տեղեկությունններ չունի նաեւ, թե արդյոք զինծառայողների աճյուններ վերադարձնում է, թե ոչ։
Մուրադովը բանակցություններ կվարի կողմերի միջեւ՝ զինված միջադեպերը թույլ չտալու մեխանիզմի մշակման շուրջ։ Խոսքը հայ-ադրբեջանական սահմանին՝ ռուս խաղաղապահների պատասխանատվության գոտուց դուրս իրավիճակի կարգավորման մասին է։