Ինքը սիրում է բոլորիդ, հպարտանում է բոլորովդ և ․․․ թափում բոլորիդ արյունը․ Անդրանիկ Թևանյանը՝ Նիկոլ Փաշինյանին
ԱԺ «Հայաստան» խմբակցության պատգամավոր Անդրանիկ Թևանյանն իր ֆեյսբուքյան էջում գրել է․
«Նիկոլն ու արյունը
——————
Նիկոլ Փաշինյանի համար ՀՀ քաղաքացին (հպարտ կամ ոչ այդքան) ոչ միայն տուգանքի, մանիպուլյացիայի մատերիալ է, այլ նաև ադրբեջանական թնդանոթի մսացու։
Նիկոլը սահմանազատումն ու սահմանագծումն իրականացնում է հայ զինվորի արյան գնով։ Ինքը խոստացել է տալ «թղթով», բայց հանձնում է արյամբ (նոյեմբերի 16–ին տեղի ունեցածն ասվածի վառ ապացույցն է)։ Ըստ իրեն՝ այդպիսով հնարավոր կլինի խուսափել «Նիկոլ դավաճան»–ից ու ներկայանալ «Նիկոլ փրկիչ» կարգավիճակով։
Ինքը սիրում է բոլորիդ, հպարտանում է բոլորովդ, խոնարհվում է բոլորիդ առաջ և ․․․ թափում բոլորիդ արյունը (2008թ․ մարտի 1–ից սկսած)»։